Un engadido facilita a consulta do dicionario da RAG desde Firefox

A publicación do dicionario da Real Academia Galega na súa páxina web levou a que certos axentes que promoven a nosa lingua nas TIC apostasen por esta nova ferramenta de consulta, de xeito que dende GalApps actualizaron o seu dicionario para dispositivos móbiles Android e iOS, mentres que a xente do proxecto Trasno (concretamente Antón Méixome) publicou un engadido para o navegador Firefox que permite configurar a caixa de busca da aplicación informática para realizar consulta no dicionario en liña da RAG.
Unha vez instalado o novo engadido podemos realizar a caixa de busca do Firefox para realizar consultas no noso buscador web favorito ou en servizos como o dicionario da Real Academia Galega, o que facilita a súa consulta, podendo sempre conmutarse entre os distintos buscadores configurados no navegador web segundo as nosas necesidades en cada momento.

Fonte: Codigocero