O 45% dos libros editados no país en 2012 foron en galego

O Instituto Nacional de Estatística (INE) publicou esta semana unha radiografía do sector editorial do Estado Español. Segundo a mesma, en Galiza editáronse en 2012 un total de 2.660 libros (o 45% deles en lingua galega).

En todo o Estado Español editáronse en 2012 69.668 libros. Os datos deixan ben claro que Madrid e Cataluña son os dous grandes epicentros editoriais, xa que concentran o 32,8% e o 26,9% do total da produción estatal. A moita distancia estaría nun terceiro lugar a Comunidade Valenciana, cun 5,2% da produción estatal e a continuación Galiza cun 3,8%.

Podes consultar os datos detallados na páxina do INE.

Fonte: Letra en obras